‘n Huis vol normale mense wat inspireer

Huis s.nw (-e; -ie) 1. Gebou as woning vir die mens.

Kom-mu’ne s.nw (-s) 1. ‘n Groep persone wat met of sonder formele organisasie saamlewe om ‘n gesamentlike doel te bereik.

Tuis bw. 1. Op jou gemak; ontspanne.

IMG-20170418-WA0018

Varsity Cup Finals

Liewe vriend/vriendin/familie-lid/willekeurige leser,Haystraat-inwoner,

As deel van my skryfkursus wat ek aanpak hierdie jaar wanneer ek kans kry om asem te haal en nie my skripsie uit te stel nie, is daar vir my voorgestel om dagboek te hou of ‘n daaglikse inskrywing te maak op ‘n blog. Aangesien die dagboek ding nie langer as ‘n week by my hou nie en my blog vir ander doeleindes gebruik word (alhoewel… dit is mos normale mense wat inspireer) het Sybrand Harris se dankbaarheids-inskrywings my geinspireer.

IMG-20161104-WA0042

Wyn op die voorstoep

So vandag gaan tog ‘n dankbaarheid-verwante een wees. Vandag is ek dankbaar vir die kommune (en sy aanhangsels), soos jy reeds kon aflei hierbo.

Die kommune het na my drie jaar in Nerina die plek geword waar ek slaap. Jy kan self dink hoe anders dit is as ‘n koshuis. In 2017 het dit so uitgewerk dat Haystraat ses (as ek nou reg tel) koshuise verteenwoordig. Wat beteken ons lê ook soms vir ure op mekaar se beddens en uitstel terwyl ons fliek-lokprente kyk en ons staan ook vir ‘n groot gedeelte van ons vrye tyd in die gang en gesels.

IMG-20170403-WA0031

Grocery shopping wat cocktails word

Ja, dis nie altyd jou beste vriende wat saam besluit het om daar in te trek nie. Of almal die mense wat jy noodwendig oor 10 jaar om jou etenstafel gaan vermaak nie. MAAR vir nou:

– Is dit die mense wat daar is na ‘n slegte dag, reg met ‘n trooswoord of ‘n glasie wyn. Altyd ‘n glasie wyn.
– Is dit die mense wat daar is na ‘n lekker dag en altyd seker maak hulle sarkasme en opmerkings hou jou voete stewig op die Aarde.
– Is dit die mense betrokke in dag-na-dag roetine. Die daaglikse raadgewing. Die teleurstellings. Die deurbrake. Die trane afvee. Die motivering (om werk uit te stel). Die lag. Die (en hulle almal sal ontken dat hulle dit ook geniet) 7de Laan kyk. Die stry oor wie se beurt dit is om koffie te maak.
– Is dit die mense wat jou op hierdie oomblik ken op ‘n manier wat niemand anders jou ooit sal ken nie.
– Is dit die mense wat al 100 keer al jou idees moes hoor en tot vervelens toe hulle opinies moes lig. Hetsy oor make-up, outfits, skryfwerk, scenarios, vriende, etc.

IMG-20170322-WA0038

Nicky se laaste ballet-optrede

– Is dit die mense wat nuwe uitdagings beleef saam met mekaar soos Eerste Proef en Eerste Werk!
– Is dit die mense wat letterlik & figuurlik dáár is. Hetsy vir ‘n boekbekendstelling, balletoptrede of kooroptredes.

Ons huislied het ‘n versreël gehad wat gelui het: This is home, not for long. En soos Jaco sê: “In Haystraat hoef mens nie moeite te doen nie, mens word in elk geval waardeer.”

En hierdie jaar, is Haystraat nie net ‘n adres wat ek op die verkiesingsvorm moet invul nie. Na talle onbeplande ‘kommune-aande’, die aanneming/magstryd van/oor ‘n kat, gereelde honde-kuiergaste, Canasta-spelle, heart-to-heart gesprekke, glase (bottels) wyn, hospitaal-eskapades, beerpong-kampioenskappe, roomys-uitstappies en lag – kan ek met dankbaarheid sê dat dit huis is. ‘n Groep mense wat saam die doelwit probeer bereik om onsself en ons plekkie te ontdek in hierdie wêreld. En dat daar tog ‘n hele paar gesigte is wat ek oor 10 jaar wil sien aan daardie tafel.

DSC_0549

My heel eerste foto in die kommune 2016

En voor een van julle ego kry, dis net omdat dit heel moontlik dan nogsteeds jou beurt is om koffie te maak.

Met al my liefde,
Die huis-meermin

NS: Andries. (As die huis se amptelike aandagvraat, wou hy net ook genoem word.)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s