Vimos-dag 2017

16 Mei 2017. Ek is oorval met ‘n dankbare hart.

“We must have adventures in order to know where we belong.”

Vimosdag

Op vriendskap. Verlede, hede en toekoms.

Hulle sê mens moet elke oggend met ‘n dankbare hart begin. Hulle sê ook dis die klein goedjies wat saak maak en dat ‘n dankbare mens meer oop is om nog dinge te sien om voor dankbaar te wees. Ek weet nie wie hulle is nie, maar hulle weet waarvan hulle praat.

Soos ek laasjaar geskryf het, Vriende & Vonkelwyn • VIMOS • Friends & Champagne, is Vimos-dag wat gister op die 15de gevier is, ‘n spesiale dag. Nie net vir die stigters nie, nie net vir die mense wat dit al al hierdie jare saam vier nie, maar vir my (en ek weet ‘n paar nuwe mense) ook. Al het ek nie gister ‘n glasie geklink saam met almal wat ‘n rol in my lewe speel nie, het ek heeldag oomblikke beleef saam met baie van hulle waarin ek net besef het hoe geseënd ek is.

Hetsy of dit wiskunde hulp was, of ‘n onverwagse koffie terwyl jy skripsie aanpak, of die

18446749_1888790838005592_318494775365256838_n

Riana en ek

“jy lyk mooi” in die gang. Ek moes ook vir ‘n oomblik net stil staan en asem haal tussen die 100 uitrusting-veranderings, omdat ek omring was met ‘n groep dames wat my lewe beter maak en ek die oomblik nooit wil vergeet nie. “Friendship goals”  soos Petra en Sarlien dit gister so by die naam genoem het.  Hierdie oomblik van beseffing, uitrustingveranderinge en haarsprei-aanwendings het ook natuurlik tot die gevolg gehad dat ons alweer laat is. Jaag, kry vir Stephnie. Mooi, elke bestuurder in Pretoria is ‘n idioot as mens laat is. Te danke aan die GPS in samewerking met De Beers-aanwysings en ‘n klein hoeveelheid backseat-driver-kommentaar (Stephnie), is ons uiteindelik by die Vimos-dag ete saam die een en enigste Riana.

18447677_1888791068005569_541298444885639309_n

Arthur ‘saber’ die bottel Dom Pérignon

Nes Napoleon, is die bottel sjampanje ge’saber’ deur Arthur met ‘n heel seremonieuse oomblik. Napoleon het dan altyd gesê: “Champagne! In victory one deserves it; in defeat one needs it.”

Maar ons het dit vervang met “Op vriendskap. Verlede, hede en toekoms.”

Dankie Riana, dat ek die voorreg kon hê om ‘n glasie saam met jou te klink en dat jy nie skroom om jou spesiale tradisie in my hande oor te laat nie. Ek voel geëerd.

Dankie aan elke liewe maatjie in my lewe. Op julle.

…en die keer klink ons ‘n glasie egte sjampanje. Lekker kos. Diep gesprekke. Oppervlakkige gesprekke. Maar meestal, ‘n oorvloed liefde.

2 thoughts on “Vimos-dag 2017

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s